Alfapharm | Աշխատանք
  • 01.11.2016

    ՆՈՐ ԲՈՆՈՒՍԱՅԻՆ ՀԱՄԱԿԱՐԳ ԱԼՖԱ ՖԱՐՄ-ԻՑ

    Կարդալ ավելին»»
  • 03.11.2016

    Ալֆա Ֆարմ նոր դեղատուն Հյուսիսային պողոտայում

    Կարդալ ավելին»»
  • 12.07.2016

    DERMA SUN - ՆՈՐ ՍԵՐՆԴԻ ԷԿՈԼՈԳԻԱՊԵՍ ՄԱՔՈՒՐ ԼԱՎԱԳՈՒՅՆ ԱՐԵՎԱՊԱՇՏՊԱՆ ՄԻՋՈՑՆԵՐ ՄԵԾԵՐԻ ԵՎ ԵՐԵԽԱՆԵՐԻ ՀԱՄԱՐ

    Կարդալ ավելին»»
Աշխատանք

1. ԴԵՂԱԳԵՏ / ԴԵՂԱԳՈՐԾ 


Եթե դուք դեղագետ եք կամ դեղագործ, ունեք դեղատանն աշխատելու փորձ կամ չունեք, բայց պատրաստ եք սովորել ու ձեր գիտելիքները ներդնել մեր հաճախորդներին որակյալ ու պատշաճ խորհրդատվություն իրականացնելու գործում, տեղյակ եք դեղագետի/դեղագործի էթիկայի կոդեքսին ու անվերապահորեն պահպանում եք այն Ձեր պրակտիկայում, ապա մենք ունենք առաջարկ հենց Ձեզ համար:


Հարգելի՛ դեղագետներ, շտապեք դիմել այսօր, քանի որ առաջիկա նախապատրաստական շրջանը սկսում է դեկտեմբերի 1-ից:

Մեզ դիմելու համար կարող եք զանգահարել 060-700-500 հեռախոսահամարով և ներքին համարը հավաքել 261, 260 կամ 116, կամ ուղարկել Ձեր ինքնակեսագրականը hr@alfapharm.am էլ. Հասցեին:

Խնդրում ենք նամակի թեմայի տողում նշեք, որ դիմում եք հենց Դեղագետ/Դեղագործի աշխատանքի համար:


«Ալֆա Ֆարմ»-ն իր աշխատակիցներին առաջարկում է՝


Բարձր մրցակցային աշխատավարձ, որը ներառում է ֆիքսված աշխատավարձ եւ գործարքային՝ հիմնված աշխատանքի կատարողական արդյունքների վրա,

Կայուն մասնագիտական աշխատանք,

Մասնագիտական աճի հնարավորություն (որակավորման բարձրացման դասընթացների հնարավորություն),

Գրանցված աշխատավարձ ու մաքուր գրանցված սպիտակ աշխատավարձ,

Աշխատանքային օրենսդրության համապատասխան արձակուրդի հնարավորություն,

Դեղագետ/դեղագործների  5 տարին մեկ մասնագիտական վերապատրաստման/վերասերտիֆիկացման ծախսերի փոխհատուցում,

Մասնագիտական ու պաշտոնական առաջխաղացման հնարավորություն. Դեղատնային ցանցի կառավարման հաստիքների գերակշիռ մեծամասնությունը մեր դեղատների նախկին աշխատակիցներն են:


Դեղագետի աշխատանքային պարտականությունները`


զբաղվում է դեղատնային ցանցում առկա դեղորայքի և այլ ապրանքների /մանկական սնունդ, խնամքի պարագաներ, կոսմետիկա և այլն/ վաճառքով,

սպասարկում է հաճախորդներին` Առաջարկում և ցուցադրում է ապրանքները,

հաճախորդներին տեղեկացնում է ապրանքների հատկանիշների, օգտագործման եղանակների մասին,

լսում է հաճախորդներին ու անհրաժեշտության դեպքում տրամադրում է մասնագիտական խորհրդատվություն,

հետևում է սրահում ապրանքների ժամանակին համալրմանը և ճիշտ դասավորվածությանը,մասնակցում է ապրանքների պատվերների ձևավորմանը:


Դե ինչ, շտապե՛ք դիմել «Ալֆա-Ֆարմ» Դեղագործական Ընկերությանը և դարձեք մեր մեծ թիմի մասնիկը՝ կառուցելով Ձեր մասնագիտական ապագան այսօր, քանի որ «Ալֆա-Ֆարմ»-ը՝

հանդիսանում է ամենամեծ դեղատնային ցանցը Հայաստանում,

վայելում է հաճախորդների մեծ վստահությունը,

համագործակցում է միայն պաշտոնական ներկայացուցիչների ու արտադրողների հետ,

ապահովում է դեղատնային կազմակերպված, նորմավորված ու աշխատանքների ավտոմատացված համակարգ իր աշխատակիցների համար:


2.ՄԱՐՔԵԹԻՆԳԻ ՄԵՆԵՋԵՐ

«Ալֆա-Ֆարմ» Ընկերությունը փնտրում է փորձառու մարքեթինգի մենեջերի, ով պատասխանատու կլինի կազմակերպության մարքեթինգային գործունեության կազմակերպման, զարգացման համար՝ պոտենցիալ հաճախորդներին ներգրավվելու և նրանց լոյալությունն ապահովելու նպատակով:


Աշխատանքային պարտականություններ՝


Իրականացնում է մարքեթինգային հետազոտություններ և կազմակերպում է վաճառքի խթանմանն ուղղված միջոցառումներ,

Մշակում և ներդնում է Ընկերության ապրանքների և ապանքատեսակների առաջխաղացման ուղիներ,

Խմբավորում և դասակարգում է ապրանքները՝ ըստ դրանց տեսակի, գործածության, որակական հատկանիշների, դրանց հիման վրա կատարում է մարքեթինգային վերլուծություն,

Ուսումնասիրում է սպառողների նախասիրությունները, դրանց հիման վրա կատարում է հետազոտություն, ինչպես նաև հավաքագրում և տրամադրում է անհրաժեշտ տեղեկատվություն,

Իրականացնում է մանրածախ վաճառակետի մերչնդայզինգ և մշտապես վերահսկողություն,

Մասնակցում է վաճառքների պլանավորման աշխատանքներին՝ վաճառքի բաժնի հետ համատեղ, ըստ հաճախորդների սեգմենտների, հիմնական ապրանքախմբերի,

Մշակում է վաճառքի բաժնի համար յուրահատուկ բոնուսային ծրագրեր կոնկրետ մարկետինգային ակցիաների ուղղվածությամբ,

Մշակում է մարկետինգային ակցիաների ցանկը, և իրականացնում է ակցիաները,

Վարում է բանակցություններ գովազդակիրների և գովազդ արտադրող ընկերությունների հետ, կազմակերպում է գովազդային արշավներ,

Կատարում է մրցակիցների ակտիվության, գործունեության հետազոտություններ,

Իրականացնում է նոր ապրանքների նկատմամբ պահանջարկի, նոր շուկաների բացահայտում, կատարում է սպառողների բավարարվածության ուսումնասիրություն,

Իրականացնում է վաճառքների վիճակագրական վերլուծություններ,

Կատարում է ընկերության կայքի, սոցիալական ցանցերում ընկերության էջերի վարում, թարմացում, նպաստում է դրանց առաջխաղացմանը, 

Իրականացնում է շուկայի ուսումնասիրություն և վերլուծություն՝ պարզելու առկա ապրանքատեսականին և գնառաջարկները,

Պատրաստում է համապատասխան հաշվետվություններ՝ շուկայական պայմանների և ապրանքային ծախսերի վերաբերյալ,

Մասնակցում է գների ձևավորման և գնային քաղաքականության մշակման աշխատանքներին,

Մշակում և համակարգում է ապրանքների պրոմո-խորհրդատվությանն ուղղված գործառույթները,

Վերահսկում է արդեն իսկ գործող վաճառքները, ակցիաները, զեղչային համակարգերը,

Վերլուծում է վաճառքի օրինաչափությունները, ինչպես նաև կատարում է կանխատեսումներ ապագայում սպասվող թրենդների զարգացման վերաբերյալ,

Զբաղվում է նոր բրենդների և նոր բիզնես ուղղությունների /կոսմետիկայի կատեգորիա/ զարգացման, վաճառքների խթանման ու կազմակերպման հարցերով: 



Պահանջվող որակավորում և հմտություններ`


Բարձրագույն կրթություն մարքեթինգի կամ բիզնեսի կառավարման ոլորտում,

Համապատասխան ոլորտում աշխատանքային փորձ,

Վաճառքների խթանման փորձ,

Հաղորդակցության գերազանց հմտություններ,

Նորարար և կրեատիվ մտածողություն,

Վերլուծական մտածողություն,

Նախագծերի կառավարման ունակություն,

Թիմում աշխատելու հմտություններ,

Կազմակերպչական հմտություններ՝ ժամանակի պլանավորման և վերջնաժամկետների պահպանման,

Հայերեն, անգլերեն և ռուսերեն լեզուների իմացություն,

Microsoft Office ծրագրերի լավ իմացություն,

Տպարանների, դիզայն ստուդիաների և աշխատանքի համար անհրաժեշտ նյութերի մատակարարների հետ աշխատելու փորձ:


«Ալֆա-Ֆարմ» ՓԲԸ-ն իր աշխատակիցներին առաջարկում է՝


կայուն աշխատանք,

մրցունակ աշխատավարձային և բոնուսային փաթեթ` հիմնված մասնագիտական գիտելիքների, փորձի և աշխատանքի կատարողականի արդյունքների վրա,

մասնագիտական աճի (որակավորման բարձրացման դասընթացներ) և կարիերայի անընդհատ զարգացման հնարավորություններ:


Համապատասխան թեկնածուները կարող են իրենց ինքնակենսագրականներն ուղարկել hr@alfapharm.am էլ. հասցեին՝ նամակի թեմայի դաշտում նշելով «Մարքեթինգի մենեջեր»:

Ուղարկված բոլոր ինքնակենսագրականների գաղտնիությունը երաշխավորվում է:


3.ՎԵՐԱՀՍԿՈՂՈՒԹՅԱՆ ԲԱԺՆԻ ՄԱՍՆԱԳԵՏ 

«Ալֆա-Ֆարմ» Ընկերությունն իր անվտանգության ծառայության վերահսկողության բաժնում աշխատելու համար փնտրում է անաչառ ու կազմակերպված վերահսկման մասնագետի, ով մշտապես հետևելու է ընկերության տարբեր ստորաբաժանումների աշխատանքների ճշգրիտ ու ընթացակարգերին համապատասխան իրականացմանը: 


Աշխատանքային պարտականություններ

Կազմակերպել և իրականացնել դեղատների և Ընկերության այլ ստորաբաժանումների աշխատանքների շարունակական ստուգումներ,

Ապահովել կազմակերպության վերահսկողության համակարգի արդյունավետ աշխատանքների իրականացումը,

Գնահատել Ընկերության ստորաբաժանումների կողմից իրականացվող բիզնես-գործընթացների արդյունավետությունը,

Ապահովել աշխատակիցների կողմից գործունեության իրականացման ընթացքում իրավական ակտերով սահմանված պահանջների պահպանումը, 

Հետևել դեղատների և այլ ստորաբաժանումների համար սահմանված գործառնական պահանջների պատշաճ իրականացմանը,

Իրականացնել Ընկերության ստորաբաժանումների աշխատանքների մոնիտորինգ՝ աշխատակիցների գործունեության ընթացիկ անընդհատ վերահսկողություն,

Ներդնել արդյունավետ համակարգեր և գործիքներ՝ բացահայտելու, գնահատելու, չափելու և կառավարելու հնարավոր ռիսկերը,

Վերահսկել Ընկերության դեղատներում և այլ ստորաբաժանումներում իրականացվելիք գույքագրման աշխատանքները՝ միաժամանակ հետևելով դեղագործական կանոնների պահպանմանը,

Մշտապես վերահսկել կազմակերպության օպերացիոն գործընթացները՝ բացահայտելու համար բոլոր խախտումները և շեղումները,

Հայտնաբերված սխալների դեպքում ձեռնարկել համապատասխան ուղղիչ գործողություններ,

Մշակել և ներդնել վերահսկման գործընթացի օպտիմալացման ընթացակարգեր,

Իրականացված ստուգումների արդյունքների վերաբերյալ ներկայացնել համապատասխան հաշվետվություններ:

Պահանջվող հմտություններ

Բարձրագույն կրթություն /դեղագիտական, դեղագործական/,

Համապատասխան աշխատանքային փորձ,

Մանրուքներին ուշադրություն դարձնելու ունակություն,

Մարդկանց հետ տարբեր իրավիճակներում շփվելու և աշխատելու միջանձնային հմտություններ,

Բանակցելու և խնդիրներ լուծելու հմտություններ,

Որակական և քանակական վերլուծություններ իրականացնելու ունակություններ,

Որոշումներ կայացնելու և օպտիմալ լուծումներ առաջարկելու ունակություն,

Կազմակերպչական հմտություններ՝ ժամանակի պլանավորման և վերջնաժամկետների պահպանման,

Տարբեր իրավիճակներում արագ կողմնորոշվելու ունակություն,

Լարված իրավիճակներում աշխատելու ունակություն:

Համապատասխան թեկնածուները կարող են ուղարկել իրենց ինքնակենսագրականը hr@alfapharm.am էլ. հասցեին՝ նամակի թեմայի դաշտում նշելով «Վերահսկողության բաժնի մասնագետ»: 

Ուղարկված բոլոր ինքնակենսագրականների գաղտնիությունը երաշխավորվում է:



4. ԿՈՍՄԵՏԻԿԱՅԻ ԲԱԺՆԻ ՎԱՃԱՌՔԻ ԽՈՐՀՐԴԱՏՈՒ


«Ալֆա-Ֆարմ» Ընկերությունն իր դեղատներում՝ կոսմետիկայի բաժնում աշխատելու համար աշխատանքի է հրավիրում վաճառքի խորհրդատուների, ովքեր զբաղվելու են հաճախորդների մասնագիտական խորհրդատվությամբ ու վաճառքներով:


Աշխատանքային պարտականություններ՝

սպասարկում է հաճախորդներին` առաջարկում և ցուցադրում է ապրանքները,
հաճախորդներին տեղեկացնում է ապրանքների հատկանիշների, օգտագործման եղանակների մասին,
լսում է հաճախորդներին ու տրամադրում է մասնագիտական խորհրդատվություն,
հաճախորդներին առաջարկում է նոր, միմյանց փոխարինող կամ համարժեք ապրանքներ,
հետևում է սրահում ապրանքների՝ ժամանակին համալրմանը և ճիշտ դասավորվածությանը,
օգնում է հաճախորդներին գտնելու իրենց փնտրած ապրանքը,
մասնակցում է ապրանքների պատվերների ձևավորմանը:

Պահանջվող որակավորում՝

•        Բարձրագույն կամ միջնակարգ մասնագիտական կրթություն,

•        մարդկանց հետ բարեհամբույր շփվելու կարողություն,

•        ներկայացման ու հաղորդակցության հմտություններ,

•        Օտար լեզուների իմացություն,

•        վաճառքի հմտություններ ու գիտելիքներ,

•        կոնֆլիկտային իրավիճակները հարթելու ունակություն,

•        մասնագիտական գիտելիքներ, դասընթացներ անցնելու պատրաստակամություն:


«Ալֆա-Ֆարմ»-ն իր աշխատակիցներին առաջարկում է՝
կայուն աշխատանք,
մրցունակ աշխատավարձային և բոնուսային փաթեթ` հիմնված մասնագիտական գիտելիքների, փորձի և աշխատանքի կատարողականի արդյունքների վրա,
մասնագիտական աճի (որակավորման բարձրացման դասընթացներ) և կարիերայի անընդհատ զարգացման հնարավորություններ:

Հետաքրքրված թեկնածուները կարող են ուղարկել իրենց ինքնակենսագրականները hr@alfapharm.am էլ. հասցեին՝ նամակի թեմայի դաշտում նշելով «Կոսմետիկայի բաժնի վաճառքի խորհրդատու»:

5. ՄԵՐՉԵՆԴԱՅԶԵՐ


 «Ալֆա-Ֆարմ» Ընկերությունը փնտրում է վաճառքի ու մարքեթինգային արտահայտված ունակություններով ու գիտելիքներով մերչենդայզերի, ով պատասխանատու է լինելու դեղատներում Ընկերության ապրանքների լավագույն ներկայացման համար՝ վաճառքի ծավալի խթանման նպատակով:


Աշխատանքային պարտականություններ

Իրականացնել մանրածախ վաճառակետի մերչենդայզինգ և մշտապես վերահսկողություն,

Հետևել դեղատներում ապրանքների օպտիմալ ներկայացմանը, դասավորությանը՝ պոտենցիալ հաճախորդներ ներգրավելու նպատակով,

Կատարել շրջայցեր ընկերության դեղատներ՝ հետևելու ապրանքների ճիշտ ներկայացմանը և դասավորությանը,

Ձեռնարկել ընկերության ապրանքների վաճառքի խթանմանն ուղղված գործողություններ,

Համագործակցել գնորդների, մատակարարների և ներկրողների հետ՝ փոխշահավետ պայմաններ ձեռք բերելու նպատակով,

Կատարել վաճառքների անալիզներ, առաջարկել բարելավման ուղիներ, շտկումներ,

Մշտապես ապահովել ողջ տեսականու ժամանակին համալրումը,

Համագործակցել դեղատների աշխատակիցների հետ՝ ներկայացված տեսականու ժամկետները ու ապրանքային պատշաճ տեսքը ապահովելու ուղղությամբ,

Համագործակցել դեղատների աշխատակիցների հետ՝ ապրանքների վրա գնապիտակների առկայությունն ու ճշտությունը մշտապես ապահովելու ուղղությամբ:


Պահանջվող հմտություններ

Բարձրագույն կրթություն մարքեթինգի, տնտեսագիտության կամ այլ հարակից ոլորտում,

Համապատասխան աշխատանքային փորձ,

MS office փաթեթի իմացություն,

Ազդեցիկ ներկայացման հմտություններ,

Բանակցելու և խնդիրներ լուծելու հմտություններ,

Կազմակերպչական հմտություններ՝ ժամանակի պլանավորման և վերջնաժամկետների պահպանման,

Տարբեր իրավիճակներում արագ կողմնորոշվելու ունակություն,

Որակական և քանակական վերլուծություններ իրականացնելու ունակություններ:


«Ալֆա-Ֆարմ» ՓԲԸ-ն իր աշխատակիցներին առաջարկում է` 

կայուն աշխատանք,

մրցունակ աշխատավարձային և բոնուսային փաթեթ` հիմնված մասնագիտական գիտելիքների, փորձի և աշխատանքի կատարողականի արդյունքների վրա,

մասնագիտական աճի (որակավորման բարձրացման դասընթացներ) և կարիերայի անընդհատ զարգացման հնարավորություններ:


Հետաքրքրված թեկնածուները կարող են ուղարկել իրենց ինքնակենսագրականները hr@alfapharm.am էլ. հասցեին՝ նամակի թեմայի դաշտում նշելով «Մերչենդայզեր»:

Ուղարկված բոլոր ինքնակենսագրականների գաղտնիությունը երաշխավորվում է:


6. ՔԻՄԻԿ Ք. ԳՅՈՒՄՐՈՒ ԱՐՏԱԴՐԱՄԱՍՈՒՄ


«Ալֆա-Ֆարմ» Ընկերությունն աշխատանքի է հրավիրում բանիմաց ու փորձառու քիմիկի` իր Գյումրու արտադրամասում աշխատելու նպատակով: 


Աշխատանքային պարտականություններ՝

Պատրաստում և բաց է թողում դեղամիջոցներ և քիմիական նյութեր,

Մշակում և ներդնում է արտադրական գործունեության համար տիպային պրոցեսներ,

Իրականացնում է հումքի, քիմիական նյութերի և դեղաձևերի վերլուծություն,

Պատրաստում է թեստավորման համար անհրաժեշտ լուծույթներ և ազդանյութեր,

Կատարում է դեղերի որակի և կենսահամարժեքության փորձարկումներ՝ համաձայն ՀՀ և միջազգային ստանդարտների,

Իրականացնում է վերահսկողություն տեխնոլոգիական պրոցեսների ապահովման ուղղությամբ և միջոցներ է ձեռնարկում շեղումների հայտնաբերման դեպքում,

Լրացնում է փորձարկումների արձանագրությունները և ձեռնարկում է կանխարգելիչ քայլեր՝ որակի բարելավման ուղղությամբ,

Մասնակցում է նոր ապրանքների, սարքավորումների, բանաձևերի և վերլուծական մեթոդների ստեղծման և զարգացման գործընթացին,

Պարբերաբար ստուգում և փորձարկում է լաբորատորիայի սարքավորումները՝ խնդիրների բացահայտման նպատակով,

Պահպանում է դեղագործական կանոնները՝ համաձայն ՀՀ կառավարության կողմից ընդունված կարգի,

Մասնակցում է արտադրանքի որակի բարձրացմանն ուղղված աշխատանքներին:


Պահանջվող հմտություններ`


Բարձրագույն կրթություն՝ քիմիկի կամ դեղագործ-քիմիկի, 

Համապատասխան ոլորտում աշխատանքային փորձ,

ՀՀ Պետական ստանդարտների և բնութագրերի իմացություն,

Համակարգչային գիտելիքներ,

Արագ կողմնորոշվելու և ժամկետները պահպանելու կարողություն,

Մեծաքանակ տեղեկատվության հետ աշխատելու ունակություն:


Հետաքրքրված թեկնածուները կարող են ուղարկել իրենց ինքնակենսագրականները hr@alfapharm.am էլ. հասցեին՝ նամակի թեմայի դաշտում նշելով «Քիմիկ ք. Գյումրու արտադրամասում»:

Ուղարկված բոլոր ինքնակենսագրականների գաղտնիությունը երաշխավորվում է: